تن تتن تن تتن ... معلش شباب اصلي مبسوط اوي انهردة لان عندي ليكم كام نقطة لازم اقولها :
اولا : انا قررت ابيع الكمبيوتر لاني بفتحة كتير و لما بفتحة كتير عيني بتضعف ولما عيني بتضعف بضطر البس نضارة ... و انا بصراحة مش حابب البس نضارة دلوقتي خالص ( معلش احنا بنستهبل )
ثانيا : مبسوط اوي اوي اوي اوي اوي و طاير من السعادة لان فية حاجة بساطني جدا جدا جدا جدا جدا , طبعا انتم مش فاهمين حاجة بس ابشركم ... ولا أنا
ثالثا : الحاجة طلعت بتفكر في واحد مسمسم و حليوة ... و مش عارف الواد المسمسم و الحليوة بتعنا ناوي يعمل اية لكن ربنا يوفق النفوس ,, و بناء علي ذالك اطالب مطلب رسمي عاجل ... ( مش عايز حد يهدي النفوس ! ) كريم عبدالعزيز بطلنا المصري و الممثل الاعلي في تهدية النفوس و طبعا السادة الزملاء بيحبوة و لازم لازم يقلدوة علشان كدة قررت اطلب من الحاجة ... نبعد عن الافتكاسات اللي بتهدي النفوس ... !
رابعا : نتكلم شوية كلام مفهوم ... الي حد ما ( احم احم ) انبارح خير اللهم اجعلة خير حلمت اني راكب مكروباص و خير اللهم اجعلة خير كان ابيض في ابيض و انا كمان كنت لابس ابيض في ابيض و جاني ميسد ( مكالمة ) من شخص بردوا لابس ابيض في ابيض ... و ال اية ! , قالي في التليفون ... ( كلنا معاك يريس ... و شعبك بيحبك ) طبعا لاني مش ريس ولا نيلة ( انا لسة بدور علي الوظيفة في الجرايد .. ) اتخضيت و فتحت الشباك بتاع العربية وقولت ( هوووووووووووووووووة ... نطق الحجر ) لقيت الست ام كلثوم بترد من كاسيت العربية و هي بتقول ( اطبطب و ادلع .. ) و لقيت العربية اللي انا ركبها مبسوطة و فطسانة من الضحك لدرجة ان الراجل اللي جنبي بيقولي مالك ؟ قولتلة مبسوط اوي ... اصل كان في حاجة في قلبي من زمان وبدون اي مقدمات لقيتها معايا علي التليفون! , و انتم بقا عرفين الباقي و الله و الله الراجل كان جايب 18 قطعة جاتوة من العبد .. لام العيال و الاولاد ( قهر طبعا ) و اقسم اني لازم اكل قطعة , ولاني انا مقدرش اكسف الراجل كلت 3 قطع ( اح اح ... محدش يقر ) لاني كنت مبسوط اوي اوي اوي اوي اوي لحد الصبح ( حد فاهم حاجة ؟ ) , و اتمني يكون اللي في دماغي صحيح و البتاعة بتعتنا تعقل كدة و توضح اكتر ! ( حد فاهم حاجة ؟ ) , و طبعا صحيت من النوم لقيتني كنت بحلم ( بحلم باية ؟ ) رسالة تيجي حالا تقول اي حاجة و توضح ( حد فاهم حاجة ؟ ) المهم ..
كنت يوم الاربعاء في اجتماع مع الشعراء ( تحت التمرين زي حلاتي ) دايما يقولوا عليا اني بطل لان كل كلامي بدون عواطف و كان فية واحدة زميلتي ( زميلتي و بس ) بتسألني : انت عمرك حبيت ؟ رديت بكل ثقة قائلا ( مروة ... انا بحب الحب ! ) و انتم فاهمين الباقي , لكن بعد لما اصابتني ضربة القمر ( اشمعني الشمس "ضربة الشمس" ) قررت اعترف اني اصبحت زبون سقع لأصحاب السيبرات و الناس اللي بتبيع يوستفاندي ... يا اخونة انا فية ضربة شديدة اوي جتلي انهردة علي قلبي ؟ , و عندي شوية اسألة : تفتكروا ان الضربة دية اساسا كانت ليا ولا نيران صديقة ؟ , هل فعلا فية حاجة اسمها حب و ارتباط و خصوصا اني بدرب نفسي علي اصعب المواقف الاجتماعية ؟ , هل يكون الحب نقطة ضعف ام حافز للأمام ؟ ... هل انا صاحي ولا لسة نايم ؟؟؟؟
كان معكم مراسلكم : المسمسم و الحليوة غصب عن اي حد ( أحمــــــــــــــــد كاجوال باشا عظمهم ) من سيبر عم دعبس القاهرة ... تيت تيت تيت تيت و احب اهدي حاجة لاجمل حاجة
0 التعليقات
إرسال تعليق