عايز تتجوز !

على فكرة هو موضوع محبط شوية بس انا متاكدة انكم محبطين من زمان ( يمكن من ايام الخديوي اسماعيل ) المهم.. مش معظمكم طبعا بس الاغلبية محبطين و اللي بيقول انا مش محبط يعمل نفسة محبط و خلاص !

معظم شبابنا عايز يتجوز وكلمتة المشهورة امتى اتجوز مش هتجوزوني بقا !! , و طبعا لما تسمع كلمة زواج لازم تسمع شوية كلام يقطم " عندك شقة.. عندك فلوس .. عندك ipod ... الخ الخ الخ "

مش دة اللى الاهالى بتقوله " ياشيخ روح كون نفسك هتكونها ازاى وانـت سايب تعليمك " وياكبد امك ياني تضطر تشتغل عشان تساعد اهلك واختك اللي لازم تجهزها والبيت محتاج عصارة الفراولة والسيد الوالد بقى معاش او لاقدر محتاج الدوي عشان يركز و يموت بقا ... !!

عمال يعينى تشتغل ليل نهار وانت فين وبتقولها عاوز اتجوز طب قولى ازاى مضطر غصب عنك تخلع من بلدك و تهرب من اهلك وناسك وصحابك وتسافر تتغرب لية ؟؟ , اصل خطيبتى واهلها حددوا ميعا الزواج ولازم اموت كل لحظة عشان اعمل فلوس واجيب شقة اتحرم من كل شىء جميل عشان اتجوز

بالله عليك لما ترجع حيكون لسة ليك نفس انك تتجوز !! اوعى تقولها عاوز اتجوز

فتحت مشروع فى بلدك قلت تفيد وتستفيد وتحسن دخلك اشتغلت اكتر من 20 ساعة بس فين فلوسة ! بتكفيك تاكل وتشرب وتساعد اهلك وحوشت منهم كام هيكفيك تقدر تجيب منهم شقة و تشيل مسؤلية الجواز دة كمان لو المشروع مش هيفشل لانه قام على بناء ضعيف كفاية الخوف والامل الضايع ... لساك ممكن تقولها .. اوعي تقولها عاوز اتجوز

دخلت الجيش داخل قرفان وهتعمل اية الشغل راح تلاقى نفسك بتطلب تتطوع عشان الفلوس القليلة الى هتخدها ولا عشان مفيش شغل اصلا برة ولا عشان تشيل عن والدك وتريحة من مصروفك يعنى تقول يكون عندى كرامة واحاول اصرف علا نفسى وعاوز تتجوز

دة كان النوع الاول ... فية نوع بقى مرتاح ماديا وعندة كل شىء الشقة والفلوس بس بردة بيقولها عاوز اتجوز عارف لية ؟؟ , لانة انانى ومعظمة مستهتر كل يوم بنت مش عارف يختار اللى هيتجوزها ويقولك اصلى محتار انت بجد هتجننى بتقولها لية عاوز تتجوز تفتكرو ياجماعة فين العيب

مننا كشباب ولا من المجتمع ولا الاهالى اللى تقلك لازم شقة ولا زم جهاز معين وممكن يقعدوا بناتهم لحد مافترة زواجهم تعدى عشان تستنى عريس متريش ... تكون مرت فيها البنت بلحظات الاكتئاب و الانتحار و التسايب و التساهل في جسمها ... !

لية مفيش تقدير للوضع الاجتماعى؟

لية مفيش مساندة ومساعدة للشاب؟

لية مفيش شقة ومفيش فلوس ؟ ( وبصراحة بقا الشباب مش محتاجين مساعدة " لأ " دول محتاجين معونة مع اميركا )

لية البطالة وانحراف الشباب ؟ ( انا عارف طبعا ان البطالة عندنا اصبحت بالوراثة لكن كل قاعدة وليها حدود )

لية بقت شهوة الشاب ممكن تخلية يسرق وينهب ؟

لية ولية ولية ومفيش اى حل الموجود احباط عدم ثقة تغلب شهوة وجرائم وفى كتير انواع شباب والله يصعب على اى حد .... فاقد الامل الطموح ضاع وسط مجتمع كل همة نفسة وبس مجتمع انانى والشباب هما اللى ضاعو ومش معنى كدة ان مفيش شباب ناجح لا فية فى شباب بتثبت نفسها بس نادر اوى تلاقية هل ياترى فية حل وامتى ؟!

اللــــه اعلــم !

ماما egy ... بصفتي ابنك المخلص ( احمد كاجوال باشا عظمهم ابن معالي السلطان ... اقولها : انا اتعقدت و مش عايز اتجوز ! )